Крводарителска акција во Oпштина Карпош

       Во соработка со Општина Карпош и Институтот за трансфузиона медицина,  Црвениот крст на Република Северна Македонија-Општинска организација Карпош  на 19 мај 2020 година  ја реализираше традиционалната крводарителска акција.

        Во периодот од 09:00 до 17:00 часот, во просториите на основното училиште  „Лазо Трповски“ Карпош 2, вкупно 43  хуманисти, граѓани и вработени во општинската администрација, даруваа крв и ја потврдија својата хуманост на дело.

             И ова година на акција се придружи и крв даруваше и градоначалникот на општина Карпош, Г-дин Стефан Богоев кој ја поддржа оваа традиционална акција и ја истакна важноста и значењето на крводарителството како и соработката со организацијата на Црвениот крст и ги повика сите хумани граѓани да се вклучат во оваа хумана акција.

            За време на акцијата  се почитуваа сите мерки и безбедносни протоколи за комплетна заштита од коронавирусот, преку одржување на физичко растојание и задолжително носење лична заштита .