Одбележување на Недела на Промоција на хумани вредности

Црвениот крст на Република Северна Македонија во периодот од 21 до 28 септември ја одбележува Неделата на промоција на хумани вредности која има за цел промоција на мир, толеранција, ненасилство и соживот што е и една од стратешките цели на нашето Национално друштво. Оваа година неделата е одбележана со организирање на трибини на тема „Булинг“ наменети за младата популација. Црвен крст на РСМ – Општинска организација Карпош својата трибина ја организираше на 29-ти септември 2023 година во дворот на објектот на ОО Карпош во периодот од 12:30 до 14:30 часот. Во трибината беа вклучени двајца водители, едно стручно лице и 48 млади слушатели од средните училишта на територија на ЦКРСМ-ОО Карпош. По завршување на трибината, беа поделени 33 благодарници на 33 младинци кои беа вклучени во ЦКА-ПХВ програмата – циклус 2023. Клубот на млади даде целосна поддршка во организација и спроведување на трибината преку вклучување на 14 волонтери.